Біздің Республикада заңнамалық деңгейде вакцинацияны міндетті және ерікті түрде деп бөлу жоспарланып отыр. Бұл туралы regnum.ru жаңалықтар ресурсы хабарлайды.
Бұл Қазақстан парламенті төменгі палатасының отырысында «Халық денсаулығы және денсаулық сақтау жүйесі туралы» заң жобасында қарастырылып, мақұлданды.
Сонымен қатар, заңмен екпе жасамаған балаларды балабақшаларға алуға шектеу енгізіледі. Бұл ретте тыйым салу туралы шешім білім беру ұйымының «Ұжымдық иммунитет» негізінде қабылданады.
Сондай-ақ, отырыс барысында мәжілісмендер дәрігерлердің жұмысына киліккендерге салынатын айыппұл мөлшерін арттыруға бағытталған республика заңнамасына түзетулерді мақұлдады.
Түзетулерге сәйкес, мұндай әрекеттер үшін айыппұл мөлшері жеті есеге артып, 50 айлық есептік көрсеткішті құрайды.
Сонымен қатар, түзетулер медициналық қызметкерлердің міндеттерін тиісінше орындамағаны және медициналық көмек көрсету стандарттарын сақтамағаны үшін жауапкершілігін күшейтеді.
Сурет: urkinform.ua
