Нұрсұлтан Назарбаевтың Жарлығына сәйкес Қазақстанда ҚР цифрлық даму, қорғаныс және аэроғарыш өнеркәсібі министрлігі құрылды. Бұл туралы Президент Әкімшілігінің баспасөз қызметі хабарлады.
Жаңа министрлік Президенттің “Қазақстан Республикасының Мемлекеттік басқару жүйесін одан әрі жетілдіру жөніндегі шаралар туралы” Жарлығына сәйкес қорғаныс және аэроғарыш өнеркәсібі министрлігін қайта ұйымдастыру жолымен құрылды.
Ведомствоға ҚР Ақпарат және коммуникация министрлігінен байланыс, ақпараттандыру, мемлекеттік саясатты дамыту салаларындағы мемлекеттік қызмет көрсету өкілеттіктері мен міндеттері берілді.
Жаңа ведомствоның жұмысын жолға қою процесін Президент Әкімшілігі бақылайтын болады. Жарлық ресми қол қойылған күнінен бастап жұмыс істей бастайды.
Фото: liter.kz
