Алматы қаласы бойынша мемлекеттік қызмет істері Агенттігінің басшысы Данияр Таумұрат шенеуніктерге қызметтік куәліктерді бірнеше функцияларды үйлестіретін ID-карталарға ауыстыруды ұсынды. Мұндай карталарды киіп жүру мемлекеттік қызметшілерге деректерді сақтау, объектілер мен ғимараттарға кіру мүмкіндігі сияқты кейбір функционалдық міндеттерді неғұрлым тиімді орындауға мүмкіндік береді.
Байланыс чипі бар карталардың тәжірибелік үлгілері мемлекеттік органдардың әкімшілік ғимараттарына кіру/шығу үшін деректерді сақтауға мүмкіндік береді, дербес компьютерлерге қол жеткізуді және оларға мемлекеттік қызметшілердің электрондық-цифрлық қолтаңбасын орналастыруды қамтамасыз етеді. ID картасының көмегімен ЭҚАБЖ жүйесіне кіруге және электрондық құжаттардың жобаларына қол қоюға болады.
Мұндай карталарды қолдану мемлекеттік қызметшілердің тәртібін арттыруға ықпал етеді және олардың жұмыс орнында болуын бақылауға мүмкіндік береді. Осы бағыттағы жұмыстар жылдам қарқынмен жүргізілуде және барлық мемлекеттік қызметшілер үшін ID-картасын енгізу 2019 жылдан басталады.
Осындай ID-карталарды пайдаланудың оң тәжірибесі АҚШ, Ұлыбритания, Филиппин, Сингапур және Үндістан сияқты елдерде бар.
Сулет: zakon.kz
