Қазақстан Республикасында Мемлекеттік сатып алудың арнайы тәртібін ағымдағы жылдың 1 қазанына дейін ұзарту туралы шешім қабылданды, деп Қаржы министрлігінің баспасөз бөлімінде хабарлады.
“Арнайы тәртіптің тиімділігін ескере отырып, оның әрекеті 2020 жылдың 1 қазанына дейін ұзартылды”, – делінген хабарламада.
Ақпаратқа сәйкес, бүгінгі таңда қазақстандық тауар өндірушілерден арнайы тәртіптің көмегімен тауарларды сатып алудың жалпы сомасы 62 миллиард теңгеден асады.
Сонымен қатар, ведомствода атап өткендей, Арнайы тәртіп коронавирустың таралуына қарсы әрекет ету аясында 117 миллиард теңгеге жедел сатып алуды жүргізуге мүмкіндік берді.
Сонымен қатар, Арнайы тәртіп шеңберінде дағдарысқа қарсы іс-шаралар өткізілді, “Жұмыспен қамтудың жол картасы” мемлекеттік бағдарламасы бойынша жұмыстар, сондай-ақ 955 миллиард теңге сомасына маусымдық жұмыстар жедел сатып алынды.
Арнайы тәртіпті енгізу кезінде тауарларды мемлекеттік сатып алу алдымен оңайлатылған схема бойынша және тек ұлттық тауар өндірушілер арасында, ал өтінімдер болмаған жағдайда – өнім берушілердің қалған саны арасында жүргізіледі.
“Қазақстандық өндірушілер мен олар өндіретін тауарлардың тізбесі индустрия және инфрақұрылымдық даму министрлігінің мәліметтері негізінде мемлекеттік сатып алу жөніндегі ведомствоаралық комиссияда анықталады”, – деп толықтырды Қаржы министрлігінде.
Сурет: star-tender.ru
