Елімізде Ұлы Отан соғысы Жеңісінің 75 жылдығына арналған “Мәңгілік полк” акциясы басталды, деп хабарлайды today.kz ақпарат ресурсы.
Акция Қазақстанда бұрынғы КСРО елдерінің жалпы күш-жігерінің арқасында қол жеткізгег фашистік неміс басқыншыларын жеңуге арналды.
Биылғы жылы коронавирус инфекциясының таралуына байланысты акция онлайн-трансляция форматында өтуде. Алайда, бұл туған жері үшін шайқасқан Ұлы Отан соғысының батырларын еске алуға кедергі келтірмейді.
Тікелей эфирде отандық әртістердің орындауында соғыс жылдарындағы әндер шырқалуда. Қазақстанда “Мәңгілік полк” сағат 20:00-ге дейін жалғасады деп жоспарлануда.
“Мәңгілік полк” акциясы біздің республикамызда ғана емес, бұрынғы КСРО-ның басқа да мемлекеттерінде де, соның ішінде Ресейде де, өткізілуде, өйткені Ұлы Отан соғысының батырлары туралы естелікті сақтау және оның тарихын бұрмалауға жол бермеу ортақ борышымыз болса, жеңіс те барлығымызға ортақ.
Ресей президенті Владимир Путин посткеңестік елдер халықтарын Ұлы Жеңіспен құттықтауында айтқандай, әкелеріміз бен аталарымыздың ерлігі туралы ортақ естелік бұрынғы КСРО мемлекеттері арасындағы ынтымақтастықты нығайтатын болады және жалпы күш-жігерімізбен барлық сын-қатерлерді, соның ішінде коронавирус пандемиясын жеңе аламыз.
