Біздің елімізде коронавирус инфекциясын жұқтырудың тағы 22 жаңа оқиғасы расталды. Бұл туралы “Қазақпарат” ақпарат агенттігі хабарлайды.
Атап айтқанда, Нұр-Сұлтанда – 18, Алматыда – 4, Атырауда – 1, Қызылорда облысында -1 жаңа ауру анықталды.
Бүгінгі таңда Қазақстан Республикасында коронавирустық инфекцияны жұқтырудың 251 оқиғасы ресми түрде тіркелді, бұл ретте індеттің таралуын болдырмау үшін барлық мүмкін шаралар жасалуда.
Қазір біздің елімізде төтенше жағдай енгізілді, ал Нұр-Сұлтанда, Алматыда және Шымкент аудандарының бірінде коронавирустың күрделі жағдайына байланысты карантин режимі жұмыс істеуде.
Ал,ертеңнен бастап Ақтау қаласында карантин режимі енгізіледі, оның әрекет ету кезеңінде қала тұрғындарына азық-түлік тауарлары мен дәрі-дәрмектерді сатып алуға шығудан басқа, көшеге шығуға рұқсат етілмейді.
Ақтау көшелерінде құқық қорғау органдарының қызметкерлері енгізілген карантин ережелерінің бұзылмауын қадағалап, көшелерді бақылайтын болады.
