Қазақстанда 2020 жылдан 2025 жылға дейін 40 ескі ауруханалардың орнына 16 көпбейінді аурухана салу жоспарлануда. Бұл туралы ҚР Денсаулық сақтау министрлігінің баспасөз қызметі хабарлады.
Барлық салынған ауруханалар жаңа медициналық техникамен, ақпараттық жүйелермен жарақтандырылады және ұзақ мерзімді келісім-шарттар шеңберінде техникалық қызмет көрсетумен қамтамасыз етіледі. Қазіргі заманғы техникалық шешімдерді ескере отырып, оларды жобалайтын болады. Сондай-ақ, әрбір стационарда жұқпалы аурулар корпусын салу жоспарлануда.
Жобалар мемлекеттік-жеке меншік әріптестік келісімшарттары шеңберінде құрылатын болады. Бұл мемлекеттік бюджетке түсетін жүктемені болдырмауға, шетелдік капиталды, жаңа технологияларды тартуға және денсаулық сақтау объектілерін пайдалану сапасын арттыруға мүмкіндік береді.
Нәтижесінде құрылыстың 5-6 жылы ішінде Қазақстан аумағында JCI халықаралық стандартына сәйкес келетін 8 мың төсекке арналған жоғары технологиялық ауруханалар желісі құрылатын болады.
Мердігерлер ретінде халықаралық деңгейдегі денсаулық сақтау нысандарын салу мен пайдалануда тәжірибесі бар отандық және шетелдік компаниялар да қатысады.
Сурет: gradstroy.com
