Қарағанды облысы әкімінің орынбасары Әлішер Әбдіқадыров аймақта карантин шаралары жеңілдетілгенін мәлімдеді. Бұл туралы облыс әкімдігінің баспасөз қызметі хабарлады.
Аймақ тұрғындарына көпшілік жиналмай, аулаларда қыдыруға, сондай-ақ көршілеріне бармай саяжай учаскелеріне баруға рұқсат етілді.
Сонымен қатар, азаматтарға қатаң түрде жазылу бойынша халыққа қызмет көрсету орталықтарына, нотариустар мен адвокаттардың кеңселеріне баруға, сондай-ақ химиялық тазалау жұмыстарына рұқсат етілді. Облыста қоғамдық көлік 7:00-ден 10:00-ге дейін және 17:00-ден 20:00-ге дейін жұмыс істейтін болады.
Бұдан басқа, өңірде өнеркәсіп кәсіпорындарының, құрылыс компанияларының, екінші деңгейлі банктердің және оптика дүкендерінің жұмысы біртіндеп қайта басталатын болады. Сондай-ақ санитарлық бекеттер алынады.
Алайда, әкім орынбасарының айтуынша, Теміртауда карантиндік шаралар әлі де жеңілдетілмейді, себебі қазір эпидемиологиялық жағдай күрделі болып отыр. Соңғы үш күнде қалада COVID-19 жұқтырудың 17 оқиғасы анықталды.
Қарағанды облысында коронавирусты жұқтырудың 139 оқиғасы тіркелді, ал біздің республикада олардың жалпы саны 3019-ға жетті.
Сурет: rus.azattyg.org
