Қазақстанның қаржы министрі Әлихан Смайылов Экономикалық тергеу қызметінің (ЭТҚ) штаты 40% қысқаратынын айтты.
«Экономикалық тергеу қызметін қайта құру бойынша үлкен жұмыс жүргізілуде. Қажетті заңнамалық нормалар қабылданды, заңға тәуелді актілерді қабылдау процесі аяқталады. ( … ) Штатты 40%- ға қысқарту және босаған қаражатты ЭТҚ-да еңбекақыны арттыруға бағыттау жоспарланып отыр», — деді Әлихан Смайылов.
Министр ЭТҚ қызметіндегі басымдықтарды түбегейлі өзгерту қажеттігі туралы мәлімдеді. Қаржы министрлігі басшысының айтуынша, негізгі екпін көлеңкелі схемалар мен капиталды шығару сызбаларын анықтауға, экономикалық қылмыстардың алдын алуға және олардың алғышарттарын жоюға бағытталуы керек.
Сулет: mail.kz
