Қазақстан парламентінің жоғарғы палатасында жалпы отырыс барысында қылмыстық процесте азаматтық құқықтарды қорғауды күшейту мәселелері бойынша еліміздің Қылмыстық және қылмыстық іс жүргізу кодекстеріне түзетулер қабылданды. Бұл туралы Kazpravda.kz жаңалықтар ресурсы хабарлайды.
Осылайша, Қазақстанда ынтымақтастық туралы процестік шарттың барлық талаптарын орындауды ескере отырып, азаматтарды қылмыстық жауаптылықтан босату мүмкіндігі көзделетін болады.
Бұдан басқа, қылмыстық іс жүргізу кодексіне түзетулер процеске қатысушылардың пікірін ескере отырып, қылмыстық процесті цифрлық режимде жүзеге асыру, тергеу судьясының санкция беру, сондай-ақ күзетпен ұстауды санкциялаудан бас тарту туралы қаулыларын қайта қарау барысында ашық сот отырысын ұйымдастыру мүмкіндігін көздейді.
Бұдан басқа, түзетулерге сәйкес бірінші сатыдағы сотта, сондай-ақ апелляциялық және кассациялық сатыларда судьядан бас тартуға байланысты нормаларды жақсарту көзделеді.
Осы түзетулерді іске асыру қылмыстық процестің жарыспалылық деңгейін және қылмыстық процеске қатысушылардың құқықтарын, сондай-ақ заңды мүдделерін сақтауды қамтамасыз етудің нәтижелілігін арттыруға мүмкіндік береді.
Сурет: ex-news.com
