Қазақстан Республикасының Сыртқы істер министрі Бейбіт Атамқұлов Польша Сыртқы істер министрі Яцек Чапутовичпен келіссөз жүргізді. Министрлер кездесуі Варшавада өтті, кездесу кезінде Бейбіт Атамқұлов пен Яцек Чапутович бірқатар маңызды мәселелерді талқылады.
Бейбіт Атамқұлов пен Яцек Чапутович өзара тиімді ынтымақтастық мәселесін талқылады. Елдер өзара жақсы қарым-қатынаста. Екі министр де ауыл шаруашылығы, машина жасау, туризм, сондай-ақ көлік-логистикалық сектордағы ынтымақтастық екі тарап үшін тиімді жағдай болады деген қорытындыға келді.
«Біздің қарым-қатынастарымыздың дамуына Қазақстанның Польша азаматтары үшін визалық режимді алып тастауына, сондай-ақ 2017 жылдың мамырынан бастап біздің астаналарымыз арасында тікелей әуе қатынасын іске қосуға елеулі үлес қосты. Мен Қазақстан мен Польша арасындағы қарым-қатынастың ашық сипатын растағым келеді. Біз Варшаваны орталық және Шығыс Еуропа өңірінде ғана емес, сонымен қатар Еуропалық Одақтың барлық кеңістігінде біздің басты әріптесіміз деп санаймыз. Нұрсұлтан Назарбаев пен Анджей Дуданың 2016-2017 жылдары мемлекеттік сапарларымен алмасуы ынтымақтастыққа қуатты серпін берді», – деді Бейбіт Атамқұлов.
«Біз ынтымақтастығымызды дамытқымыз келеді. Министрмен кездесу барысында біз көптеген тақырыптарды талқыладық. Олардың бірі көлік — логистикалық әлеуетті дамыту. Қазақстан мен Польша арқылы Жібек жолы өтеді. Біз жолдар мен теміржолдарды біріктіріп, осы бағытты дамытуымыз керек. Сондай-ақ біздің Гданьск қаласындағы портты Азия тауарлары үшін маңызды хаб ретінде пайдалану мүмкіндігі туралы айттық», — деді Яцек Чапутович.
Келіссөздер барысында Министрлер жалпы бір пікірге келді және Варшавадағы кездесулерге өте риза болды.
Сурет: 24.kz
