Қазақстанның құқық қорғау ведомствосының басшысы Ерлан Тұрғымбаев пен Әзірбайжанның Сыртқы істер министрі Эльмар Мамедъяров «2009 жылғы 2 қазандағы Әзірбайжан мен Қазақстан азаматтары үшін визасыз режим туралы келісімге өзгерістер енгізу туралы» хаттамаға қол қойды.
Қол қойылған құжатқа сәйкес, екі мемлекет арасындағы визасыз режим 90 күнтізбелік күнге дейін ұзартылды. Бұдан басқа, Қазақстан мен Әзірбайжан азаматтары енді 30 күн ішінде тіркеусіз екі елдің аумағында бола алады.
Келісімге Әзірбайжан астанасында Түркі кеңесі министрлерінің кездесуінде қол қойылды. Ол құжатты екі мемлекет парламенттері ратификациялағаннан кейін заңды күшіне енеді.
Бұған дейін Қазақстан визасыз кіруге болатын елдердің тізімін кеңейтті. Тізбеге Бахрейн, Ватикан, Вьетнам, Индонезия, Катар, Колумбия, Кувейт, Лихтенштейн, Оман, Сауд Арабиясы, Таиланд және Филиппин енгізілген болатын.
Kazakh-tv.kz
