Қазақстан шекара қызметі шекаралық бақылау департаменті басшысының орынбасары Олег Фисенко бүгін брифинг өткізіп, оның барысында Қырғыз Республикасымен шекарада жүк көліктерінің жиналуы байқалмайтынын, мәселе толығымен шешілгенін айтты. Бұл туралы “ҚазАқпарат” жаңалықтар ресурсы хабарлады.
Маусым айының басында Қазақстан-Қырғызстан мемлекеттік шекарасында жүк көліктерінің үлкен кезегі тұрды. Олег Фисенконың айтуынша, бұған індеттің таралуына байланысты көрші республикамен шекарада бір ғана бақылау-өткізу пункті жұмыс істеп, қалғандары жабылғаны себеп болды.
“Бірақ Қазақстанда тіпті қатты өршу кезең жағдайында да жүк тасымалы үшін шектеулер енгізілмегенін атап өткім келеді. Көлік ағынының дәстүрлі маусымдық ұлғайған себебі жеміс-көкөніс өнімдерімен байланысты”, – деді Олег Фисенко.
Қазір, Қазақстан шекара қызметі өкілінің мәлімдеуінше, Қырғызстанмен мемлекеттік шекарада барлық өткізу пункттері жұмыс істейді, сондықтан Қазақстан тарапынан да, Қырғызстан тарапынан да жүк көліктерінің тұруы байқалмайды. Мәселе толығымен шешілді.
Бұдан бұрын “Әділет” ақпараттық-құқықтық жүйесінің сайтында Қазақстан Үкіметінің қаулысы жарияланған болатын, онда біздің республикамыз Қырғызстанмен шекарадағы барлық бақылау-өткізу пункттерін ашқаны туралы айтылған.
Сурет: kloop.kg
