Брифинг барысында Денсаулық сақтау министрі Алексей Цой республикамыздағы қазіргі эпидемиологиялық жағдай туралы хабарлады, деп жазады zakon.kz ақпарат ресурсы.
Коронавирустық инфекцияның таралуынан бастап бүгінгі күнге дейін Қазақстанда 157579 жұқтыру оқиғасы тіркелді. 144710 адам вирустан айықты.
Цойдың айтуынша, қазір біздің еліміз коронавирустың таралу қарқыны бойынша «жасыл» аймақта.
«Қазіргі күні сауыққандардың пайызы 87%-ға дейін өсті, ал маусым-шілде айларында бұл пайыз 60%-дан аспаған. Республика қауіп-қатері төмен — «жасыл» аймақта», — деді министр.
Денсаулық сақтау министрлігінің басшысы «қызыл аймақта» тек Атырау облысы ғана екенін атап өтті. «Сары» аймақта — Солтүстік Қазақстан, Ақмола, Қостанай және Павлодар облыстары, сондай-ақ Нұр-Сұлтан, Алматы қалалары. Еліміздің қалған өңірлері «жасыл» аймақта.
Цой брифингте Қазақстанда барлығы 10 миллионға жуық адамды коронавирусқа қарсы егу жоспарланғанын мәлімдеді. Адамдарға қазақстандық, сондай-ақ, Қарағанды фармацевтикалық зауытында өндіріліп жатқан ресейлік вақцина егілетін болады.
Сурет: zakon.kz
