Тергеу департаментінің басшысы Санжар Әділов саяси активист Дулат Ағадилдің ұсталғаны мен қайтыс болғаны туралы ақпарат берді, деп хабарлайды zakon.kz ақпараттық агенттігі.
Қазақстан ІІМ өкілі Дулат Агадилге қатысты шетелге ешқайда кетпеу туралы қолхат түріндегі бұлтартпау шарасы қолданғанын атап өтті. Алайда, тергеушінің шақыруларын тұрақты негізде елемегендіктен, заңнамада көзделген бұлтартпау шарасын өзгерту туралы шешім қабылданды.
Осылайша, ағымдағы жылдың 11 ақпанында Целиноград соты Ағадилді қамауға санкция берді. Кейін саяси белсендіні ішкі істер қызметкерлері ұстап, тергеу изоляторына жеткізді.
Тергеу департаментінің бастығы мәйітті тексеру нәтижесінде дене жарақаты болмағанын айтты. Сонымен қатар, сот сарапшылары алдын ала қорытынды берді, оған сәйкес белсендінің өлімі жүректің кенеттен тоқтауы болып табылады.
Алайда Дулат Ағадилдің туыстары онымен келіспей, басқа сарапшыларды жіберу және сараптау комиссиясының құрамын кеңейту туралы өтініш берді. Ол қанағаттандырылды.
Ішкі істер министрлігінің өкілі орын алған оқиғаның себептерін тергеумен Нұр-Сұлтандағы арнайы прокурорлар басқармасы айналысып жатқанын атап өтті.
Сурет: zakon.kz
