Қазақстан Республикасы Ішкі істер министрлігі бүгін еліміздің қаларында өткен рұқсат етілмеген митингілер мен азаматтар жиналыстарына қатысты түсініктеме берді. Бұл туралы ведомствоның баспасөз қызметі хабарлады.
Бүгін, 1 мамырда, республика астанасында, сондай-ақ Алматы, Семей, Ақтөбе және Қарағанды қалаларында, Бас прокуратураның ресми ескертуі мен үндеуіне қарамастан, заңсыз халық жиындары мен митингілер өтті.
Оған халықтың әр түрлі санаты қатысты. Оларға өзекті мәселелер бойынша: алдағы президенттік сайлау, президенттікке кандидаттар жайлы өз ұстанымын ашық білдіруге мүмкіндік берілді.
Ішкі істер министрлігінен хабарлағандай, Астана мен Алматы қалаларында митингіге шыққандар өздерін агрессивті түрде ұстады,”республикада экстремистік ұйымның тыйым салынған ұрандарын айғайлап айтып,қоғамдық тәртіпті бұзған”.
Осыған байланысты полиция өкілдері қоғамдық тәртіпті бұзушыларды қамауға алып, митингке жиналғандардың сөз сөйлеуін тоқтатуға мәжбүр етті.
Жекелеген азаматтар құқық қорғау органдарының өтініштеріне бағынып, жиын орнынан кетті, ал басқалары керісінше қазіргі билік пен елде болып жатқан оқиғаларға наразылығын білдіруді жалғастырды.
Нәтижесінде, 21 сәуірде марафонда “Шындықтан қашып кетпейсің” деген жазуы бар баннерді созып ұстаған белсенділерді қолдау, жаңа тұтқындаумен және ұстаумен аяқталды. Барлығы 80 шақты адам ұсталды.
Митингілерді ұйымдастырғаны және оған қатысқаны үшін әкімшілік құқық бұзушылық туралы алдын ала іс жүргізіліп, ұсталғандардың әрқайсысымен жеке әңгіме өткізілетін болады.
Сурет: Inform.kz
