Қазақстан Республикасы Экология министрлігінің басшысы Мағзұм Мирзағалиев орталық коммуникациялар қызметінде брифинг өткізіп, оның барысында еліміздің президенті Қасым-Жомарт Тоқаев табиғатқа келтірілген зиян үшін жазаны күшейтуді тапсырды, деп хабарлайды “ҚазАқпарат” жаңалықтар ресурсы.
Экология министрінің айтуынша, Мемлекет басшысы қоршаған ортаға келтірген зиян үшін де айыппұл көлемін арттыруды тапсырды.
“Бізге қоқыс бактарын орнатуды ұсынады. Бірақ, тәжірибе көрсетіп отырғандай, біз неғұрлым көп орнатсақ, азаматтар соғұрлым көп қоқыстайды. Ал біз табиғи байлығымызды қоқыс бактарында көргіміз келеді ме? Осыған байланысты біз айыппұл салуға мәжбүрміз”, – деді министр.
Сонымен қатар, Мағзұм Мырзағалиев Экология министрлігі республиканың құқық қорғау ведомствосымен ұлттық парктер мен демалыс аймақтарында алдағы сенбіден бастап рейдтер өткізуге келіскенін атап өтті. Ол табиғатқа келтірген зиян үшін дереу сол жерде айыппұл салынатынын ерекше атап өтті.
Брифинг аясында Экология министрлігінің басшысы журналистерді блогерлерді, экологтарды, қоғам қайраткерлерін қоршаған ортаны сақтау үшін, халық арасында түсіндіру жұмыстарын жүргізу арқылы біріге күресуге шақырды.
Сурет: inform.kz
