Biz Birgemiz онлайн-форумы кезінде республикамыздың басшысы Қасым-Жомарт Тоқаев Қазақстан дәрігерлерін жеке қорғану құралдарымен қамтамасыз етуге қатысты мәселені қозғады, деп хабарлайды “ҚазТАГ” ақпарат агенттігі.
Қазақстан басшысы коронавирус инфекциясының қайта өршуі жағдайында медицина қызметкерлері қорғаныс костюмдері, қажетті дәрі-дәрмектер мен ауруханада орындардың тапшылығына тап болғанын атап өтті.
Президент Тоқаев жақын арада бұл мәселелер шешіледі деп уәде берді. Оның айтуынша, Қазақстан Үкіметіне тиісті тапсырмалар берілді.
Сондай-ақ, онлайн-форум аясында Қасым-Жомарт Тоқаев Қазақстан Республикасында карантиндік шараларды күшейту жөнінде айтты.
Ол коронавирус әлі күнге дейін елеулі қауіп төндіріп отырғанын, осыған байланысты министрлер кабинеті карантинді күшейту шараларын қабылдағанын түсіндірді. Дегенмен, бұл түңілуге себеп емес.
Бүгінгі күні біздің республикамызда COVID-19 жұқтыру 18231 жағдайы ресми түрде тіркелді, 11220 адам осы аурудан емделді.
Сурет: inform.kz
