Біздің елдегі коронавирус жағдайының нашарлауына байланысты Ресей Федерациясы COVID-19 тестілерінің ірі партиясын жіберуге ниетті, деп хабарлайды kt.kz жаңалықтар ресурсы.
Атап айтқанда, қолдау көрсету мақсатында бауырлас ел Қазақстан Республикасына коронавирустық инфекцияға 50 мың тестілеу жүйесін жібереді.
Ресей Федерациясы коронавирус індеті басталғаннан бері біздің елімізге коронавирусты анықтау үшін қолданылатын 18 мың тест жеткізді.
Ресей эпидемияның таралуы жағдайында Қазақстанға үлкен қолдау көрсетіп отыр, бұған тек тестілерді жеткізу ғана емес, сонымен қатар Ресей Федерациясы Үкіметінің резервінен 800 миллионнан астам теңге бөлінген гуманитарлық көмек де дәлел.
Ресейдің қоғамдық ұйымдары да біздің елімізге гуманитарлық көмек көрсетпек. Олар Қазақстанға 100 мыңнан астам бетперде, 20 мың жұп қолғап, термометрлер, антисептиктер және т.б. жеткізуді жоспарлап отыр.
Бүгінгі таңда Қазақстан Республикасында коронавирусты жұқтырудың 53021 жағдайы ресми түрде расталды. Дегенмен, елімізде 31277 адам осы аурудан емделді.
Сурет: m24.ru
