Ақмола облысы, Зеренді ауданының әкімі Мереке Мұстафин мен оның орынбасары Ықылас Мұқашев 18 қаңтарға қараған түні әкімдік ғимаратында ұсталды.
Сыбайлас жемқорлыққа қарсы іс-қимыл жөніндегі ұлттық бюро қызметкерлері әкім мен оның орынбасарын 3 миллион теңге көлемінде пара алып жатқан кезінде ұстады.
Бұл фактіні Ақмола облысы бойынша сыбайлас жемқорлыққа қарсы іс-қимыл ұлттық бюросында 18 қаңтар күні таңертең растады. Іс СДТБТ-да тіркелген. қазіргі уақытта жедел тергеу шаралары жүргізіліп жатқаны хабарланды.
Зеренді ауданының әкімі лауазымына Мереке Мұстафин 2018 жылдың 20 желтоқсанында тағайындалды. Бұған дейін 2011 жылдан бастап Ақмола облысы бойынша Тексеру комиссиясының төрағасы болды Мұстафин 28 күн ғана аудан басшысы бола алды.
Сулет: newtimes.kz
