Атырау Мамандандырылған Халыққа қызмет көрсету орталығы күшейтілген жұмыс кестесіне көшті.
Бұл туралы “ҚазАқпарат” жазады.
1 ақпаннан бастап мамандандырылған қызмет көрсету орталығы жаңа жұмыс кестесіне көшкені белгілі болды. Бүгінгі күннен бастап ХҚКО-да 40 адам жұмыс істеуде.
Орталықта мұндай өзгерістер шетелдік нөмірлі автомобильдерді тіркеудің басталуымен байланыстырылды.
“Азаматтарға арналған үкімет” мемлекеттік корпорациясы КЕАҚ Атырау филиалының баспасөз хатшысы Нұрлыбек Бақтығалидің айтуынша, енді мамандандырылған қызмет көрсету орталығы аптасына 6 күн емес, демалыссыз сағат 9:00-ден 20:00-ге дейін жұмыс істейді.
“Мұндай жұмыс кестесі 29 ақпанға дейін болады”, – деп атап өтті Атырау КЕАҚ филиалында.
