Республикамызға қауіпті инфекция өршіген, Қытайдың Ухань қаласынан 83 қазақстандық жеткізілді. Бұл туралы Zakon ақпарат агенттігі хабарлады.
Отандастарды эвакуациялауды Қазақстан денсаулық сақтау министрлігінің Ұлттық шұғыл медициналық үйлестіру орталығы жүзеге асырды.
Ұшу кезіндеіздің республикамыздың азаматтарымен бірге Қытай коронавирусынан қорғау мақсатында, барлық заттармен қамтамасыз етілген медицина қызметкерлері болды.
Отандастар келгеннен кейін Қазақстан Республикасы астанасының көпбейінді ауруханасы жанындағы инфекцияға қарсы арнайы бөлінген корпусқа 14 күндік карантинге орналастырылды.
Келген азаматтар орналасқан медициналық мекемеде инфекциялық қауіпсіздікке қажетті технологиялар бар. Сонымен қатар, ол қажетті заманауи диагностикалық, емдік және реанимациялық жабдықтармен қамтамасыз етілген.
Медициналық мекемеде біздің республиканың азаматтары қосымша тексеруден, соның ішінде қытайлық вирус инфекциясына тестілеуден өтеді.
