Ішкі істер министрі Қалмұханбет Қасымов қызметінен босатылды. Оның орнына Ерлан Тұрғымбаев тағайындалды.
Мемлекет басшысы Нұрсұлтан Назарбаевтың жарлығымен, 2011 жылдан Қазақстан Республикасы ішкі істер министрі қызметін атқарған Қалмұханбет Қасымов орнынан босатылды. Оның орнына Ерлан Тұрғымбаев тағайындалды.
Қалмұханбет Қасымов, Президенттің екінші жарлығымен, Қазақстан Қауіпсіздік Кеңесінің хатшысы болып тағайындалды. Сарапшылар Нұрсұлтан Назарбаев осы жылдың көктемінде болатын президенттік сайлау алдындағы билікті өз жақтаушыларымен нығайтып отыр деп санайды.
Қасымов Қалмұханбет Нұрмұханбетұлы 1957 жылы туған. С. М. Киров атындағы Қазақ мемлекеттік университетін бітірген, мамандығы заңгер.
Еңбек өтілін тергеушіден бастап, аға тергеуші, тергеу бөлімшесінің бастығы, Іле АІІБ бастығының орынбасары (1979-1988); Алматы облыстық атқару комитеті Ішкі Істер басқармасы ҰҚП бөлімі бастығының орынбасары (1988-1989); Қапшағай ҚІІБ бастығы (1989-1992), Қазақстан Республикасы Ішкі істер министрлігі Криминалдық полиция департаментінің бастығы (03.1997-07.1997); Алматы ҚІІБ бастығы (07.1997−12.2003); Қазақстан Республикасы Ішкі істер вице−министрі (06.2005-09.2009); Шығыс Қазақстан облысы Ішкі істер департаментінің басшысы2011). 2011 жылдан бастап Қазақстан Республикасының Ішкі істер министрі қызметін атқарды (12.04.2011 бастап; 04.04.2014 бастап қайта тағайындалды; 30.04.2015 бастап қайта тағайындалды, 13.09.2016 бастап қайта тағайындалды).
Сулет: news.mail.ru
