Қазақстан Республикасының Президенті Қасым-Жомарт Тоқаев Ресей президенті Владимир Путинді, Беларусь басшысы Александр Лукашенконы және Қырғызстан басшысы Сооронбай Жээнбековті “Қазақстанның Тұңғыш Президенті – Ұлт Көшбасшысы Нұрсұлтан Назарбаев” орденімен марапаттау туралы шешімге қол қойды. Бұл туралы Қазақстан президентінің баспасөз қызметі хабарлады.
Еуразиялық интеграция туралы идеяның 25 жылдығын атап өту және Еуразиялық экономикалық одақ туралы шартқа қол қоюдың бес жылдығын атап өту құрметіне, сондай-ақ Қазақстан Республикасымен ынтымақтастықты тереңдетуге және кеңейтуге қосқан ерекше үлесі үшін” Қазақстанның Тұңғыш Президенті – Ұлт Көшбасшысы Нұрсұлтан Назарбаев” орденімен марапаттау туралы қаулы етемін”, – деп мәлімдеді Қасым-Жомарт Тоқаев.
Естеріңізге сала кетейік, “Қазақстан Республикасының Тұңғыш Президенті — Ұлт Көшбасшысы Нұрсұлтан Назарбаев” ордені – Қазақстан Республикасының мемлекеттік наградасы. Бұл орден республикалық марапаттау тізімінде үшінші орында тұр.
Сурет: Sputniknews.kz
