“Байқоңыр” кешеніне атыс қаруы бар азаматтар тобының кіру әрекеті тоқтатылды, деп хабарлайды zakon.kz.
Бұл туралы Байқоңыр қаласы әкімшілігінің Қауіпсіздік және режим басқармасы хабарлады.
“Байқоңыр қаласы әкімшілігі Қауіпсіздік және режим басқармасының ақпараты бойынша, Ресей ІІББ кезекші бөліміне “Байқоңыр” кешеніндегі “Байқоңырсвязьинформор” ЖБТ бейнебақылау бөлімінің технигінен Ақай ауылдық округі жағынан 7-шағын ауданындағы қала периметрін бейнебақылау жүйесінің мониторингі барысында қаруға ұқсас заттары бар азаматтар тобының пайда болуы тіркелгені туралы хабарлама келіп түсті, — делінген хабарламада.
Полиция жедел-іздестіру шараларын ұйымдастырды және көлік, сондай-ақ видеода тіркелген барлық үш азамат табылды. Ұсталған азаматтарды жеке тексеру кезінде олардан 4 патрон және сыңар ауыз тегіс ұңғылы мылтық табылып, алынды. Көліктің жанында жерден екі ауызды тегіс ұңғылы мылтық, нөмірлері кесілген белгісіз маркалы травматикалық тапанша табылып, тәркіленді, оның сабында 5 патрон болды, — деп хабарлады Қауіпсіздік және режим басқармасы.
Қару-жарақ пен оқ-дәрілерді зерттеу барысында кесектер қолдан жасалған атыс қаруы, ал оқ-дәрілер атуға жарамды екендігі анықталды.
Байқоңыр кешеніндегі Ресей Ішкі істер министрлігінің тергеу бөлімі Ресей Федерациясының Қылмыстық кодексінің “қаруды, оның негізгі бөліктерін, оқ-дәрілерді заңсыз сатып алу, беру, сату, сақтау, тасымалдау немесе алып жүру” бабында қарастырылған қылмыс белгілері бойынша қылмыстық іс қозғады.
Бап 8 жылға дейінгі мерзімге бас бостандығынан айыру түріндегі ең жоғарғы жазаны қарастырады, деп хабарлады Қауіпсіздік және режим басқармасы.
