Қарағанды облысының әкімі Ерлан Қошанов есеп беру кездесуі өтті. Кездесуде әкім облыстың көп балалы отбасыларына арнайы тұрғын үй сертификаттары мен несиелер берілетінін айтты.
Қошанов атап өткендей, бұл тақырып өте өзекті, себебі тұрғын үй кезегінде 36000 облыс тұрғыны тұр, оның ішінде көпбалалы отбасылар -1206. Жылына 300-ге жуық жеңілдікті пәтер салынуда.
Осы проблеманы шешу мақсатында тұрғын үй құрылыс жинақ банкісіне облыстық бюджеттен көп балалы отбасыларға несие беру үшін 1 млрд.теңге бөлінетін болады. Жылдық 2%-бен 15 млн.теңгеге дейін несие берілетін болады. Несие алу үшін 10% бастапқы жарна төлеу қажет. Несиелер орташа табысы 44 547 теңгеден (ең төмен күнкөріс деңгейі бір жарым) аспайтын отбасыларға берілетін болады.
Облыс бюджетінен тағы 1 миллиард теңге, бастапқы жарна субсидияланатын,тұрғын үй сертификатына қарастырылған. Егер пәтердің құны 10 млн. теңгені құраса, сертификат бастапқы жарнаны жабады. Ай сайынғы төлем орташа 41000 теңгені құрайды.
Сурет: karaganda-region.gov.kz
