Қарағанды облысында ҚР Қорғаныс министрлігінің ұшағы апатқа ұшырады, деп хабарлайды zakon.kz.
Бұл Су-30 жойғыш. Экипаж аман. Қорғаныс министрлігі апат фактісін растады.
“Жаттығу ұшуларын өткізу кезінде, Балқаш қаласының авиациялық оқу орталығына қонуға бет алған кезде Су-30 көпфункционалды жойғыш ұшағы апатқа ұшырады. Ұшақтың экипажы секіріп шықты, қазір ұшқыштар медициналық бақылауда. Апат орнына арнайы комиссия жіберілді. Болған оқиғаның себептері зерттеледі”, – деді ҚР ҚМ баспасөз қызметі.
Олар Х. Ж. Мақажанов атындағы клиникаға жеткізілді. Біреуінің жағдайы қанағаттанарлық, ал екіншісінің жағдайы орташа дәрежеде.
