Алматы қаласы Төтенше жағдайлар департаменті баспасөз қызметінің хабарлауынша, 20 желтоқсаннан бастап ТЖД қызметкерлері заңсыз пиротехникалық тауарларды сату орындарына тексеру жүргізді.
Тексеру мақсаты — белгіленген стандарттарға сәйкес келмейтін пиротехникалық өнімдерді анықтау және қаладағы пиротехникалық бұйымдардың айналымын реттеу. Рейдтерге қалалық полиция департаментінің, қалалық прокуратураның, аудандық әкімдіктердің қызметкерлері, сондай-ақ «Нұр Отан»партиясының өкілдері қатысты. Бірінші күні полицейлер тиісті сертификаттары жоқ тоғыз жүз килограммға жуық контрафактілі пиротехникалық өнімдерді тәркіледі.
Алматы қаласы Төтенше жағдайлар департаменті қажетті сақтық шаралары туралы еске салды: фейерверктерді пайдаланбас бұрын, бұйымды қолдану жөніндегі нұсқаулықты егжей-тегжейлі зерделеу қажет. Онда міндетті түрде қауіпсіз дайындау және іске қосу әдістерін, қауіпті аймақтың өлшемдерін, жарамдылық мерзімін немесе кепілдік мерзімін және шығарылған күнін қоса алғанда, бұйымды қолдану шарттары туралы ақпарат болуы тиіс. Осыған байланысты Департаментте пайдалану жөніндегі нұсқаулықтың мәтіні қазақ және орыс тілдерінде, анық және жақсы оқылатын қаріппен басылуы тиіс.
Осындай рейдтер Қазақстанның басқа аймақтарында да өткізіледі.
Сурет: kyzylorda-news.kz
