Алматы облысының Қарасай ауданына қарасты Береке елді мекенінде наразылық акциясы өтті. Тұрғындар COVID-19 науқастарымен байланысқан адамдарды оқшаулау үшін жергілікті диспансерді қолдануға қарсылық білдірді. Бұл туралы облыс әкімдігінің баспасөз қызметі хабарлайды.
Наразылық акциясына жиналғандар амбулаторияға короновирус жұқтырғандармен қарым-қатынаста болған адамдарды орналастыруға қарсы екенін мәлімдеген. Сонымен қатар, кейбір наразылық білдірушілер стационарға кіріп, есіктер мен терезелерді сындырып, 30-ға жуық кереует пен матрастарды далаға лақтырды.
Осыған байланысты Қарасай ауданының әкімі Жандарбек Далабаев ауыл тұрғындарымен кездесіп, түсіндіру жұмыстарын жүргізді. Алайда шенеуніктің сөзі наразылық білдірушілерді қанағаттандырмай, стационарды жабуды талап етуді жалғастырды.
Одан кейін ішкі істер органдарының қызметкерлері наразылық акциясына жекелеген қатысушыларды құрықтады және оларға бөтен мүлікті қасақана бүлдіру фактісі бойынша қылмыстық іс ашты.
Соңғы мәліметтерге сәйкес, Алматы облысында коронавирус ауруының 41 жағдайы ресми түрде тіркелді,ал елімізде олардың саны 1661.
