Талдықорғанда Алматы облысы құқық қорғау органдарының қызметкерлеріне медальдар, алғыс хаттар мен грамоталар салтанатты түрде табыс етілді.
Алматы облысы полиция департаментінің ақпараты бойынша, салтанатты іс-шара Тұңғыш Президент күніне орай өтті.
Іс-шараға қатысушылар алдында сөз сөйлеген облыстық полиция департаментінің бастығы Мұрат Ұрымханов біздің республикамыздың халықаралық аренадағы жоғары имиджі, сондай-ақ оның әлеуметтік-экономикалық табыстары Тұңғыш Президент Нұрсұлтан Назарбаевтың саясатымен байланысты екенін атап өтті.
Салтанатты рәсімде екі қызметкер “полиция полковнигі” атағын алды. 24 полицей медаль, грамота және алғыс хаттармен марапатталды. Сонымен қатар, жүзден астам Ішкі істер қызметкерлері сыйлықақы алды.
Марапаттау рәсімінен кейін, Алматы облысы филармониясының қызметкерлері ұйымдастырған мерекелік концерт өтті.
