Алматы облысы Малайсары ауылының жалпы орта білім беру мектебінің мұғалімдері Nur Otan партиясының пайдасына еңбекақылардан мүшелік жарналардың ұсталуына байланысты аудан әкіміне ұжымдық шағым жазды. Бұл туралы Адам құқықтары және заңдылықты сақтау жөніндегі Қазақстандық Халықаралық бюроның баспасөз қызметі хабарлады.
Осы айда педагогтар 2011 жылдан бастап олардан айына 298 теңге мөлшерінде заңсыз жарна төлеуұстап қалатынын анықтады. Жарнаның сомасы өсіп келеді, бұрын ол айына 250 теңге болатын. Мектепте техникалық қызметкерлерді қосқанда, отыз адам жұмыс істейді, олардың сегізі ғана партия мүшелері. Мұғалімдердің айтуынша, олардан жарна аудармас бұрын, партия өкілдері жазбаша келісім алуға тиіс.
Мектеп қызметкерлерінің бірі Айман Әбдіқайымова кейбір мұғалімдерге жұмыс уақыты үшін жалақы аз төленетінін айтты.
Ол дайындық сынып мұғалімінің ставкасы 24 сағатты құрайтынын, ал оларға тек 20 сағат үшін төленетінін айтты. Нәтижесінде ай сайын педагогтар 21 мың теңге кем алады. Мектеп директоры бұл мәселені аудандық білім бөлімінде көтерді, бірақ жауап алған жоқ.
Nur Otan Алматы облыстық филиалының аудандық бөлімшесінде мұғалімдердің жалақысынан жарналарды ұстау – техникалық қателік деп мәлімдеді. Қоғамдық белсенділер аудандық білім бөліміне партия мүшелерінің тізімін тексеруді талап етіп хат жолдады. Жарналар қайтарыла ма, әзірге белгісіз.
Сурет: bureau.kz
