Алматының бас санитарлық дәрігері Жандарбек Бекшин әлеуметтік желілерде митингтерге қатысуға шақыруға қатысты өз пікірін білдірді, деп хабарлайды zakon.kz ақпарат ресурсы.
Алматы сандәрігерінің айтуынша, митингтер және басқа да осындай шаралар адамдардың коронавирустық инфекцияны жаппай жұқтыруына жағдай жасайды.
Сонымен қатар Жандарбек Бекшин, егер біздің республикамызда қандай да бір митинг өткізілсе, онда оның ұйымдастырушылары қылмыстық жауапкершілікке тартылатынын мәлімдеді.
Сондай-ақ, оңтүстік астананың сандәрігері егер азаматтар митингіге шықса, олардың барлығын коронавирусқа тестілеу үшін оқшаулайды. Оның айтуынша, диагноз расталған жағдайда жұқтырған адамдар инфекциялық ауруханаларға, ал байланыста болған адамдар провизорлық және карантиндік госпитальдарға орналастырылады.
Бекшин хабарлағандай, санитарлық дәрігерлер жұқтырғандар байланыста болғандарды толық анықтау үшін митингіні бейнеге түсіретін болады.
«Эпидемия жағдайында санитарлық-эпидемиологиялық хаттаманың талаптары осындай және біз оны орындайтын боламыз», — деп атап өтті Алматы қаласының бас санитарлық дәрігері.
Соңғы мәліметтерге сәйкес, Алматыда коронавирус ауруының 2790 жағдайы тіркелді, ал Қазақстанда олардың саны 12312-ге жетті.
Сурет: zakon.kz
