Ақтөбе облысында егіс науқаны басталды, деп хабарлайды 24.kz ақпарат агенттігі.
Ақтөбе облысының бірнеше ауданының агрономдары егін алқабына шығып, қалғандары жердің жылынуын күтуде. Фермерлер биыл өңірдегі егіс алқабы 10%-ға артқанын атап өтті. Алдын ала мәліметтер бойынша жалпы алғанда 800 мың гектардан астам жер себіледі.
Ақтөбе облыстық ауыл шаруашылығы басқармасы басшысының орынбасары Асылхан Әбтиев: «Алдағы уақытта 450 мың гектар дәнді дақылдар, 260 мың га – жемшөп дақылдары, 50 мың – майлы дақылдар, 6 мың га – картоп және 5 мың га – көкөніс пен бақша дақылдары егіледі. Жалпы, қолайлы жағдайда, мамыр айының соңына дейін егіс жұмыстары аяқталады деп ойлаймыз».
