Көкшетауда Қазақстанның Тәуелсіздік күніне орай салтанатты жиын өтті. Оған өңірдің түрлі қызмет салалары өкілдері қатысты. Бұл туралы Ақмола облысы әкімдігінің баспасөз қызметі хабарлады.
Салтанатты іс-шараға қатысушылар алдында сөз сөйлеген облыс әкімі Ермек Маржықпаев Республикамыздың Тәуелсіздік Күнінің тарихи маңыздылығына назар аударып, Ақмола облысының дамуы қорытындысын айтты. Оның айтуынша, осы жылы өңір барлық әлеуметтік-экономикалық көрсеткіштер бойынша айтарлықтай нәтижелерге қол жеткізді.
Сондай-ақ, салтанатты жиын барысында облыс әкімі өңірдің 79 тұрғынына мемлекеттік наградалар табыс етті. Атап айтқанда, мұғалімдер, дәрігерлер, қоғам және шығармашылық қайраткерлер, кәсіпкерлер мен спортшылар марапатталды.
Сонымен қатар, сол күні облыстық өрт сөндіру қызметінің автопаркі толықтырылды. Өрт сөндіру бөлімшелерінің басшылары құтқаруға арналған 15 арнайы техника алды.
Ақмола облысы әкімдігінің ақпараты бойынша, Қазақстанның Тәуелсіздік күніне байланысты өңірде тағы да бірқатар әлеуметтік нысандарды ашу жоспарланып отыр, бірақ әзірге нақтыланған жоқ.
