Көлік қозғалысымен ерекшеленетін үш алматылық көшеде автомобиль қозғалысының жылдамдығын сағатына 60 километрге дейін төмендету шешілді. Бұл туралы қала әкімі Бауыржан Байбек мәлімдеді.
«Сарапшылар мен жұртшылықтың негізделген талаптарын ескере отырып, Әл-Фараби, Саин және шығыс айналма жолындағы жылдамдық сағатына 60 километрмен шектеледі. Бақылау үшін 142 бекетте «соқыр аймақтары» жоқ камералар орнатылады. Жылдамдықтың сағатына 20 шақырым төмендеуі ондаған өмірді құтқаруы мүмкін», — деді Бауыржан Байбек Астанада өткен ОКҚ брифингінде.
Әкім Алматының елдегі жол-көлік оқиғаларының саны бойынша бірінші орында тұрғанын айтты.
«Жолдардағы өлім-жітім — көбінесе жылдамдық режимін бұзудың нәтижесі. Мұнда түбегейлі шаралар белгіленді. Сондықтан бір жақты қозғалыс енгізіліп, орталық көшелерде жылдамдық сағатына 40 километрге дейінгі шектелді. Біз көріп отырғанымыздай, Құрманғазы көшесінде ЖКО-ның саны 41 пайызға, ал Шевченко көшесі бойынша — 4 есеге қысқарды», — деп түсіндірді ол.
Сурет: tengri.news
