Қазақстан министрлер кабинетінің басшысы Асқар Мамин Шымкент пен Түркістан қалаларында болып,осы қалалардың көлік және әлеуметтік-мәдени инфрақұрылым нысандарының құрылысын тексерді. Бұл туралы премьер-министрдің баспасөз қызметі хабарлайды.
Түркістанды аралау барысында Асқар Маминге биылғы жылдың қыркүйек айында пайдалануға берілетін жаңа әуежай құрылысы туралы баяндалды. Бұл әуе айлағының жылына 3 миллион адамға қызмет көрсетуге мүмкіндігі бар.
Сондай-ақ, премьер Түркістанға сапары аясында 7 мың орындық стадион, конгресс-холл, оқушылар сарайы, бассейні бар спорт кешені және тағы да бірқатар нысандардың салыну баоысымен танысты.
Сонымен қатар, Түркістанда Маминге «Әзірет Сұлтан» мұражай-қорығын абаттандыру жоспары ұсынылды, Sembol construction түрік компаниясының «Керуен-сарай» көпфункционалды туристік кешенін салу туралы айтты.
Үкімет басшысы Шымкентте әуежайдың жаңа жолаушылар терминалының құрылысының жүзеге асырылу барысын тексерді, оның сағатына 2 мың жолаушыға қызмет көрсетуге мүмкіндігі бар. Жоспарға сәйкес, құрылыс жұмыстары 2020 жылдың желтоқсанына дейін аяқталады.
Сурет: Inform.kz
