Қазақстан Республикасы Үкіметінің басшысы Асқар Мамин төтенше жағдай режимін қамтамасыз етуге жауап беретін мемлекеттік комиссияның кезекті отырысын өткізгенін zakon.kz ақпарат ресурсы хабарлайды.
Отырыс барысында Нұр-Сұлтан және Алматы қалаларындағы ағымдағы санитарлық-эпидемиологиялық жағдай туралы баяндамалар ұсынылды.
Нұр-Сұлтан мен Алматыда коронавирустық инфекцияның асқынған жағдайына байланысты мемлекеттік комиссия мүшелері Қазақстанда коронавирустың таралуын болдырмау мақсатында осы қалаларда карантин режимін енгізу туралы шешім қабылдады.
Сондықтан 19 наурыздан бастап Нұр-Сұлтан мен Алматыда қосымша шектеу, алдын алу және эпидемияға қарсы шаралар қолға алынып жатыр.
Сонымен, Нұр-Сұлтан мен Алматыда карантин кезеңінде жергілікті тұрғындардың жүріп-тұруы, көлікпен кіру-шығуы шектеледі, сондай-ақ карантиндік аймақтар белгіленеді.
Сонымен қатар, Нұр-Сұлтан мен Алматыда күндізгі уақытта көлікпен жүру шектеледі және түнгі уақытта толық тоқтатылады.
Сондай-ақ карантин кезеңінде осы қалаларда үш санат бойынша: жұқтырғандар, инфекцияға күдіктілер және карантиндегілер үшін арнайы емдеу мекемелері үздіксіз жұмыс істейтін болады.
Сурет: dnepr.info
