Әзірбайжан Ұлттық кітапханасында төртінші Баку халықаралық кітап көрме-жәрмеңкесі аясында қазақстандық әдебиет пен мәдениет стендінің ашылуы өтті.
Біздің әдебиет стендтері әлемнің басқа елдерінде де бар. Бұл стендтердің жобасын ұлттық академиялық кітапхана мен сыртқы саяси ведомство, сондай-ақ Қазақстан мәдениет және спорт министрлігі жүзеге асырады.
Бұл жобаның басты мақсаты халқымыздың тарихы мен мәдениеті туралы білім тарату болып табылады. Қазақстандық кітаптар қазақ, орыс және ағылшын тілдерінде ұсынылды.
Қазақстанның Ұлттық академиялық кітапханасы директорының орынбасары Әлия Қожебкова Әзірбайжан біздің әдебиет пен мәдениеттің стендін ашқан 33-ші ел екенін хабарлады.
«Әрине, бұл бізді қуантады. Өйткені біз мемлекет басшысы айтқандай, қазіргі жаһандық әлемде танылуды қалаймыз, біз өз мәдениетімізді танытуымыз керек.Кітаптар арқылы біздің Қазақстанды таныстырғымыз келеді, мәдениетін, әдет-ғұрпын, ғылымын,жетістіктерін осы жолы Әзірбайжан оқырманына ұсынғымыз келеді.Кітап өз оқырманын табады және ол пайдалы болады деп үміттенеміз», — деді ол.
