Әзербайжанның біздің мемлекеттегі елшісі Рашад Мамедов Қазақстан басшылығына жүгініп, соғыс деңгейіне дейін шиеленіскен Армениямен қақтығыста Әзірбайжан тарапына көмектесуге шақырды.
Мамедовтың айтуынша, қазір Таулы Қарабақта болып жатқан оқиға Армениямен соғыс емес, Әзірбайжан өз аумағын азат ету операциясын жүргізіп жатыр.
“Біз өз аумағымызды азат етудеміз. Біз бұл туралы барлық трибуналардан айттық, енді біздің армия шегінбейді, кеше сегіз елді мекен босатылды”, – деді дипломат.
Ол сондай-ақ армян тарапын Қарабақтағы қарулы қақтығыс туралы Қазақстан Республикасы аумағында жалған ақпарат таратты деп айыптады.
Осыған байланысты Мамедов Қазақстанды оның еліне моральдық және саяси қолдау көрсетуге және Еуразиялық экономикалық одақ пен Ұжымдық қауіпсіздік туралы Шарт Ұйымы шеңберінде Арменияны тоқтатуға шақырды.
Бұған дейін Әзірбайжан мен Армения арасындағы ұрыс 27 қыркүйекте басталғаны хабарланған. Оның себебі – Әзірбайжан әскери қызметшілерінің бүкіл байланыс желісі бойына қарқынды оқ жаудыруы.
Туындаған жағдайға байланысты Қазақстанның Сыртқы істер министрлігі екі елді қару-жарақтарын қойып, келіссөзге отыруға шақырды.
Сурет: anna-news.info
