Қазақстандық жемқорлардың тізімін жыл соңына дейін жариялауға уәде берді, деп хабарлайды Tengrinews.kz.
Бұл туралы Мемлекеттік қызмет істері және сыбайлас жемқорлыққа қарсы іс-қимыл Агенттігінде өткен брифингте ведомствоның сыбайлас жемқорлыққа қарсы саясат департаментінің басшысы Данияр Сабырбаев мәлім етті.
Сабырбаевтың айтуынша, бұл бағытта жұмыстар жүргізілуде,қазіргі уақытта мемлекеттік органдармен келісіліп жатыр. Бірқатар мемлекеттік органдар өткен жылдың соңында жасалған осындай тізімді құру туралы ұсынысқа күдік білдірді. Агенттік өз ұстанымын жеткізуге және шенеуніктерді тізімді жасап, оны жариялаудың дұрыс екеніне сендіруге тырысты. Болжам бойынша, осы жылы мәселе оң шешіледі.
Сабырбаевтың пікірінше, тізім ашықтық пен жариялылық саясатына ықпал етеді. Онда жемқорлардың аты-жөні, олар жауапкершілікке тартылған баптар және қылмыстық істің қысқаша мазмұны көрсетіледі.
Сурет: korrespondent.com
