Газ және мұнай-газ химиясы департаментінің директоры Зияқбаев жыл соңына дейін “Сарыарқа”газ құбыры нысандарының құрылысы толық аяқталатынын хабарлады. Бұл туралы ҚР Энергетика министрлігінің баспасөз қызметі хабарлады.
Сондай-ақ, департамент директоры бүгінгі күні газ құбырының құрылысы бойынша барлық негізгі жұмыстар қатаң кесте бойынша орындалатынын айтты.
“Магистральды газ құбырының құрылысын уақытылы аяқтауды қамтамасыз ету үшін ағымдағы айда Қарағанды облысында бір дәнекерлеу тобы, Ақмола облысында үш бригада қосымша жұмылдырылған. Қазір қарсы ағынмен 23 км құбыр дәнекерленген. Газ құбырының 240 км және 360 км учаскелерінде алғашқы гидравликалық сынақтар сәтті өткізілді. Сонымен қатар дәнекерлеу тігістерін оқшаулау жұмыстары жүргізілуде”, – деді Қияқбаев.
Сонымен қатар Зияш Қияқбаев кейбір нысандарда белгіленген кестеден қалыс қалуда деп мәлімдеді.
“Артта қалғанына қарамастан, біз ағымдағы жылдың желтоқсанында газ құбыры толығымен аяқталады деп есептейміз, соның ішінде барлық нысандар – бес автоматтандырылған газ тарату станциясы, бір тарату станциясы, басқару пункті”, – деп толықтырды директор.
Сонымен қатар, спикер қазір әкімдіктер желілерді салу мен таратумен айналысатынын айтты. Оның айтуынша, Жезқазған, Теміртау, Қарағанды және Нұр-сұлтан қалаларында автоматтандырылған газ тарату стансаларының құрылысы аяқталады.
“Елді мекендерде осындай ауқымды тарату желілерін салу мүмкін емес, бұл мүмкін емес. Кез келген елді мекен белгілі бір іске қосу кешендеріне бөле отырып, кезең-кезеңмен қосылатын болады. Ең алдымен, бұл – әлеуметтік нысандар, мектептер, ауруханалар, балабақшалар және т.б.”, – деп түйіндеді Қияқбаев.
