Қарағанды экономикалық университетінде студент көшбасшылары халықаралық саммиті басталды,оған Қазақстанның, Ресейдің, Украинаның, Тәжікстанның және Монғолияның әртүрлі аймақтарынан келген студенттер қатысуда.
Саммиттің салтанатты ашылуында Қарағанды облысының жастар саясаты мәселелері басқармасының басшысы Нұржан Жетпісбаев сөз сөйледі. Ол шараның басты мақсаты студенттік өзін-өзі басқаруды дамыту саласында тәжірибе алмасу екенін айтты.
Саммит аясында дөңгелек үстелдер, шеберлік сыныптары, диалог және пікірталас алаңдары, сондай-ақ “Мемлекеттік жастар саясатын іске асыру”, “Бір команда – табыс кепілі” және “Басқарудағы ситуациялық көшбасшылық” тақырыптары бойынша семинар-тренингтер өтеді.
Сонымен қатар, іс-шара бағдарламасында “Қазақстанда университеттік автономия жағдайында студенттік өзін-өзі басқаруды дамыту” тақырыбында дөңгелек үстел жоспарланған. Саммит қорытындысы бойынша қарар қабылданады.
