Алматы облысында біздің елімізде алғашқы бітімгершілік оқу-жаттығулары аяқталды, олар қазақстандық бітімгерлердің дайындық деңгейін тексеру және олардың бейбітшілікті қамтамасыз ету жөніндегі міндеттерді орындауды ұйымдастырудағы дағдыларын арттыру мақсатында өткізілді. Бұл туралы “Қазақпарат” ақпарат агенттігі хабарлады.
Оқу іс-шаралары Тілендиев ауылындағы оқу орталығы базасында өтті. Оларға 100-ден астам әскери мақсаттағы техника және бітімгершілік тәжірибесі бар сарбаздарды қоса алғанда, бір мыңнан астам әскери қызметші жұмылдырылды.
Бітімгерлерге гуманитарлық жүгі бар колоннаны алып жүру қажет болған оқу-жаттығудың белсенді кезеңін Президент – Жоғарғы Бас қолбасшы Қасым-Жомарт Тоқаев бақылады.
Оқу-жаттығу іс-шаралары аяқталғаннан кейін, мемлекет басшысы әскери қызметшілер плдында сөз сөйлеп, Қазақстанда ғана емес, бүкіл әлемде бейбітшілік пен тыныштықты қамтамасыз етудің маңыздылығын атап өтті. Осы мақсатқа жету үшін, Тоқаевтың айтуынша, республикамыз өзінің бітімгерлерін қақтығыс аймақтарына үнемі жіберіп отырады.
“Ынтымақтастық пен серіктестік – біздің басты басымдығымыз. Сіздер халықаралық қауіпсіздікті нығайтуға үлкен үлес қостыңыздар. Бітімгер болу – бейбітшілік елшісі болу. Сіздер бұл міндетті адал атқардыңыздар”, – деді Президент.
Алғашқы бітімгершілік оқу-жаттығулары туралы айта келіп, Қасым-Жомарт Тоқаев біздің бітімгерлердің көрсеткен кәсіби шеберлігін атап өтіп, мінсіз қызметтері үшін алғыс айтты.
Сондай-ақ, Қазақстан көшбасшысы бітімгершілерді дайындайтын оқу орталығының жұмысына назар аударып, оның жұмысы жоғары деңгейде жүріп жатқанын атап өтті.
Сурет: inform.kz
