Қазақстанның ішкі істер министрлігі көші-қон қызметі комитетінің өкілдері 16-19 шілде аралығында “Нелегал” арнайы операциясының екінші кезеңі өткізілгені туралы ақпарат берді.
Іс-шара барысында Республикада болу ережелерін бұзған 10 мыңнан астам шетелдік азаматтар әкімшілік жауапкершілікке тартылды. Олардың елде болуға тиісті құжаттары болған жоқ.
Көші-қон қызметі комитетінің ақпараты бойынша, қазіргі уақытта 1284 азамат Қазақстаннан кетті. Ведомство қызметкерлері 37 қылмыстық көші-қон құқықбұзушылығын анықтады. Жедел жұмыс барысында іздеуде жүрген 38 құқық бұзушы ұсталды.
Сондай-ақ заңсыз жұмысқа алған жұмыс берушілер жазаланды. Шетелдіктер жұмыс істеген 486 кәсіпорын басшылары әкімшілік жауапкершілікке тартылды.
Айта кету керек, адамдар өзінің келуін тіркеуді қаламайтындығының ең көп тараған себебі – бюрократияның жоғары деңгейі.
“Заңсыздар” қатарындағы көптеген адамдар мексикандықтарға қатысты көші-қон саясатын қатаңдатуға қарсы наразылық ретінде Америка Құрама Штаттарында негізделген “Заңсыз адамдар болмайды” атты әлемде кең таралған қозғалысқа қосылады.
Әдетте, адамдар өз үйлерін жақсы өмірінен емес, соғыстан, аштықтан, жаппай кедейшіліктен және капитализмнің басқа да көріністерінен тастап кетеді.
Сурет: Inform.kz
