Ата-анасынсыз қалған екі балаға 600000 теңгеден астам қаражат жиналды, деп хабарлайды pavlodarnews.kz тілшісі.
Қыздарға ақшаны имамдар, Павлодар облысы Баянауыл аудандық білім беру департаменті мен педагогтар табыс етті.
Бұл туралы ҚМДБ облыстық филиалының баспасөз хатшысы Амантай Тойшыбайұлы мәлімдеді.
Тойшыбайұлы «Мұса мырза» мешітінің бас имамы қайтыс болғандардың отбасына 616000 теңге бергенін айтты. Ол Бекбатыровтар отбасы халықтың әлеуметтік осал топтарының санатына жатқызылғанын атап өтті. Тағы 200000 теңге ертең,балалары өртте қаза болған, астаналық ерлі-зайыпты Ситерлерге жіберіледі.
Бұған дейін хабарланғандай, әкімдік Баянауыл ауылында қыздарға 1 бөлмелі пәтер бөлді, сондай-ақ олар асыраушысынан айырылуына байланысты 50000 теңге көлемінде жәрдемақы алады.
Әңгіме 17 және 18 жастағы қыздар, Баянауыл аграрлық колледжінің студенттері туралы болып отыр. Олардың үйі Ұзынбұлақ ауылында жанып кетіп, өртте анасы мен оның азаматтық күйеуі қайтыс болды. Қазір оларды педагогтар қамқорлыққа алды.
Олардың туысқандарынан әжесі, тәтесі және ағасы қалды. Жастар орталығының еріктілері қаза тапқандардың отбасына көмек көрсетуде.
Полиция оқиғаның мән-жайын анықтауға тергеу жүргізуде.
Сурет: pavlodarnews.kz
