Қазақстан Парламенті жоғарғы палатасының депутаты Мұхтар Жұмағазиев Ақтөбе облысының аудандарында болып, мемлекеттік бағдарламалардың жүзеге асырылу барысын Тексерді, деп хабарлайды “ҚазАқпарат” жаңалықтар ресурсы.
Сенатор өңірге сапары кезінде медицина қызметкерлерімен, құрылыс саласы өкілдерімен және ауыл шаруашылығы тауарларын өндірушілермен кездесулер өткізді.
Бастапқыда Мұхтар Жұмағазиев Алға ауданының фермерлерімен кездесті. Бұл кездесуде ауыл шаруашылығы тауарын өндірушілерге жер телімдерін бөлу және несиелеуге қатысты мәселелер талқыланды. Сондай-ақ сенатор егін жинау барысымен танысты.
Одан кейін парламентарий Хромтау қаласында болып, аудандық орталық аурухананың қызметкерлерімен кездесті. Жұмағазиевпен әңгімелесу кезінде дәрігерлер оған дәрі-дәрмекпен қамтамасыз ету туралы айтты, сондай-ақ онымен бар проблемаларымен бөлісті.
Сонымен қатар, Абай ауылында сенатор жөнделуіп жатқан жолдарды тексерді, Қарғалы ауданында – су құбырының құрылысымен танысты, ал Қобда және Мәртөк аудандарында – облыстық маңызы бар ұзындығы 82 шақырым “Қобда – Мәртөк” жолының төселуін тексерді.
Сапар соңында Мұхтар Жұмағазиев Ақтөбе облысында мемлекеттік бағдарламалар аясында үлкен жұмыстар жүргізіліп жатқанын, сондықтан мемлекеттік бастамаларды іске асырудың тиімділігіне қоғамдық бақылау ерекше назар аударуы қажеттігін атап өтті.
