Қазақстанның Біріккен Ұлттар Ұйымы жанындағы тұрақты өкілі Жанар Айтжанова Женеваға жұмыс сапары аясында БҰҰ адам құқықтары жөніндегі Жоғарғы комиссары Мишель Бачелетпен кездесті, деп хабарлайды Қазақстан Республикасы сыртқы саясат ведомствосының баспасөз қызметі.
Қазақстан сыртқы істер министрлігінің ақпараты бойынша, кездесу барысында қатысушылар Қазақстанның адам құқықтары жағдайы бойынша әмбебап кезеңдік шолудың қорытындылары мен ұсынымдарын сөз етті.
БҰҰ адам құқықтары жөніндегі Жоғарғы комиссары, оның кеңсесі біздің республикамызға ұсыныстарды имплементациялауда, оның ішінде техникалық көмек жобаларын іске асыру арқылы көмек көрсетуге дайын екендігі туралы мәлімдеді.
Өз кезегінде, Қазақстанның тұрақты өкілі Президент Тоқаевтың жолдауының орындалу барысы туралы айтып, өз азаматтарының сауалдарына тиімді жауап бере алатын “еститін” мемлекет құру туралы бастамасын жүзеге асыру ниеті туралы мәлімдеді.
Сонымен қатар, жоғарыда аталған кездесуде Қазақстан Республикасының БҰҰ-ның құқық қорғау құрылымдарымен өзара іс-қимылына қатысты мәселелер қаралды.
Сурет: mfa.gov.kz
