Алматыда 25 желтоқсанда Денис Тэннің өліміне қатысты іс бойынша тыңдау басталады. Айыпталушы Арман Құдайбергенов, Нұралы Киясов және Жанар Тойлыбаева. Оларға түрлі, соның ішінде қарақшылық, кісі өлтіру, ұрлық және хабарламау қылмыстары бойынша айыптар тағылғын.
Үдерісті Кеңшілік Әбделдинов жүргізеді. Алдын ала тыңдауларда судья басты сот талқылауын тағайындау үшін негіздердің жеткілікті екенін шешеді, сондай-ақ тараптардың өтініштерін тыңдайды.
Бұған дейін хабарланғандай, Алматы қалалық соты Денис Тенді өлтірген күдіктіні тұтқындауды бес рет созды.
«Мамандандырылған ауданаралық тергеу сотының қаулысымен ҚР ҚК 192 — бабы 2-бөлігінің 1, 4-тармақтарында (қарақшылық), 99-бабы 2-бөлігінің 7, 8-тармақтарында (кісі өлтіру) көзделген қылмысты жасағаны үшін күдікті Нұралы Қиясовқа қатысты күзетпен ұстау түріндегі бұлтартпау шарасы 15 тәулікке дейін, яғни 2018 жылдың 18 желтоқсанына дейін ұзартылды», — деп хабарлады Алматы қалалық сотының баспасөз қызметі.
Сондай-ақ, сот Арман Құдайбергеновты тұтқындауды 2018 жылдың 19 желтоқсанына дейін ұзартты. Сот қаулысымен Жанар Толыбаеваға қатысты күзетпен ұстау мерзімі 2018 жылдың 22 желтоқсанына дейін ұзартылды.
Естеріңізге сала кетейік, Қазақстандық мәнерлеп сырғанаушы Денис Тен 26 жасқа қараған шағында орталық қалалық клиникалық ауруханада қайтыс болды. Мәнерлеп сырғанаушы автокөлігінен айна ұрлап жатқан ұрылардың қолынан жарақат алды.
Сулет: timepress.kz
