Қазақстанның елордасында Нұр-Сұлтанда өткен шеруге 20 мыңға жуық адам қатысты. Мыңдаған адам “Қазақ Елі” монументінен Тәуелсіздік даңғылы бойымен Отан қорғаушылар монументіне келді.
“Мәңгілік полк” шеруінде адамдар өз туыстарының портреттерімен жүрді. Әр адам соғысқа қатысқан туғандарынан естіген оқиғаларымен бөлісті. Шерудің соңыныа дейін соғыс уақытындағы әндер орынжалды.
Мәңгілік полк қатысушыларының бірі Елена Байгарина өз тарихын айтты.
“Менің әкем кадрлық әскери, шекарашы болған. Ол 1960 жылы подполковник атағын алған. Солтүстік Заполярьені қорғады. Қайын атам жаяу әскер взводының командирі болды. Менің әкемде “Жауынгерлік еңбегі үшін” медальі болды.Қызыл Жұлдыз орденінің де иегері. Ол бізге соғыс туралы ешқашан айтқан жоқ. Соғыс туралы фильмдерді көргенде жылайтын. Мен: “Пап, неге жылайсыз? Сен осының бәрін басыңнан кештің, сен бәрін білесің” дейтінмін. Ол: “Сонда мен жас және батыл болдым”. Жеңіс күнін біз әрқашан атап өтеміз”, – деді Елена Байгарина.
“Қазақ Елі” монументінің жанында адамдар 15 колоннада тұрды. Туған-туысқандарының портреттері бар батырлардың ұрпақтары Тәуелсіздік даңғылынан өтіп, Мәңгілік алауға гүл шоқтарын қойды. Олар өздеріне бейбіт аспан сыйлаған адамдарға алғыстарын білдірді.
Сурет: tengrinews.kz
