Жамбыл облысының әкімдігі Ұлы Отан соғысының ардагерлеріне бір миллион теңге көлемінде материалдық көмек көрсетеді, деп хабарлайды inbusiness.kz.
Жамбыл атқарушы билік органында қазір өңірде Ұлы Отан соғысына қатысқан 57 адам тұратынын айтты. Жеңіс Күні қарсаңында оларға материалдық көмек көрсетіледі, оның мөлшері бір миллион теңгені құрайды.
Сондай-ақ, аймақ әкімдігі облыста 4742 еңбек ардагерлеріне материалдық көмек көрсетеді. Олар 100 мың теңгеден алады.
Ұлы Отан соғысына қатысушылардың 337 жесірі де назардан тыс қалмайды. Оларға облыс әкімдігі 50 мың теңге көлемінде материалдық көмек көрсетеді.
Сонымен қатар, Ұлы Отан соғысының ардагерлері мен еңбек ардагерлеріне Қазақстан Президентінің атынан медальдар, алғыс хаттар және азық-түлік жиынтықтары беріледі.
Облыс әкімдігінің өкілдері еліміздің оңтүстік өңірінде Жеңістің 75 жылдығына арналған мерекелік іс-шаралар жоспары бекітілгенін атап өтті. Олардың барлығы онлайн-форматта өтеді.
